Accelerator in Nepal
कृषि उद्यमहरूको क्षमता अभिवृद्धि गर्न र लगानीको लागि तयार बनाउनका लागि प्रदेश नम्बर १ बाट उच्च वृद्धिको सम्भाव्यता भएका कृषि उद्यमहरूलाई लक्षित गर्दै आध्यन्त र साझेदारहरू, सहज-एनएएमडीपी (नेपाल कृषि बजार विकास कार्यक्रम), एफएनसीसीआई प्रदेश नम्बर १, र प्रदेश नम्बर १ को लगानी प्राधिकरणले सञ्चालन गरिरहेको पाँच महिनाको एक्सिलेरेटर कार्यक्रम हो। कार्यक्रमको अन्त्यमा १० वटा कृषिमा आधारित उद्यमहरू लगानीका लागि तयार हुनेछन्।
प्रदेश नम्बर १ का उच्च वृद्धिको सम्भावना भएका, र
नवीन विचार र विस्तारको सम्भावना भएको व्यवसायिक मोडेल भएका
कृषिसंग प्रत्यक्ष अथवा अप्रत्यक्ष व्यवसायिक रुपमा जोडिनुभएका उद्यमीहरू सहभागी हुन सक्छन्।
यदि तपाईंले आफ्नो उद्यमशीलताको अनुभव प्रमाणित गर्नुभयो र तपाईंको व्यवसायलाई विस्तार गर्न लगानी खोज्दै हुनुहुन्छ भने यो तपाईंको लागि नै लक्षित कार्यक्रम हो।
कार्यक्रमको समयावधि ५ महिनाको रहनेछ जसमा, १२ हप्तासम्म प्रशिक्षण र मेन्टरशिपका कार्यशालाहरू सञ्चालन हुनेछन्।
एक्सेलरेटर कार्यक्रमले छनोट भएका उद्यमीहरूका लागि विविध विषयमा कार्यशालाहरू सञ्चालन गर्नेछ
मेन्टरसिप
नेटवर्किङ अवसरहरू
लगानीका अवसरहरू
मार्केटिङ र ब्रान्डिङ
नवप्रवर्तन लागि समर्थन
यसका अतिरिक्त, कार्यक्रमको अन्त्यमा, सम्भावित लगानीकर्ताहरूलाई भेट्न तपाईंसँग एक प्रभावकारी पिच डेक र आफ्नो व्यवसायको सम्पूर्ण जानकारी समेटिएको लगानी प्रस्ताव हुनेछ।
यस कार्यक्रमको प्रमुख लक्ष्य भनेको तपाईंलाई लगानीको लागि तयार बनाउनु हो। यसका साथै हामीले तपाईंलाई स्वदेशी र विदेशी लगानीकर्ताहरू सम्म पहुँच पनि दिलाउँछौं। हामी तपाईंलाई सम्भावित लगानीकर्ताहरूलाई भेट्नको लागि तपाईंको लगानी प्रस्ताव र प्रस्तुतिकरणमा समेत प्रशिक्षण प्रदान गर्नेछौं। तपाईंको प्रस्तुति र व्यवसायको प्रकृति हेरेर लगानीकर्ताहरूले तपाईंको व्यवसायमा लगानी गर्न सक्नुहुन्छ।
उद्यमीहरूलाई कुनै पनि शुल्क लाग्दैन। यस कार्यक्रमको लागत शुल्क प्रति सहभागी रू. २०,००,००० (बीस लाख) हो। तर यो शुल्क सहज कार्यक्रम र आध्यन्तले वहन गरिदिने हुनाले सहभागी उद्यमीहरूको लागि निःशुल्क गरिएको छ।
एक्सेलरेटर कार्यक्रमको लागि आवेदन दिन, तपाईं आध्यन्तको वेबसाइटमा जान सक्नुहुन्छ, https://www.aadhyanta.com/aadhyanta-accelerator/ त्यहाँ आवेदन फारम भरेर आवेदन गर्न सक्नुहुन्छ। फर्मसंगै तपाईंको आफ्नो व्यवसाय, तपाईंको टिम, र भविष्यको योजनाहरू बारेमा जानकारी हरूपनि पेश गर्नु पर्नेछ।
आवेदन पेस गरेपछि, सम्भावित सहभागीहरूको मूल्याङ्कन गरिनेछ र सर्टलिष्ट गरिएका उद्यमहरूलाई अन्तर्वार्ताको लागि आमन्त्रित गरिनेछ र १० जना उद्यमीहरूलाई छानिनेछ। छनौट सम्बन्धी अन्तिम निर्णय ११ फेब्रुअरी, २०२३ सम्ममा हुनेछ र छनौट हुनुभएका उद्यमीहरूलाई सूचित गरिनेछ।
आवेदन दिने अन्तिम मिति फेब्रुअरी २, २०२३ हो। त्यसपश्चात पठाइएका आवेदनहरूलाई स्वीकार गरिने छैन।
The application process for the Aadhyanta Accelerator program is now officially closed.
We would like to thank all of the applicants who have submitted their applications for the program.
Our team of experts will be carefully reviewing all of the applications received and will be in touch
with the selected applicants as soon as possible.